Nagpanawagan ni Pres. Ferdinand Marcos Jr. kadagiti opisyal ti Bangsamoro Autonomous Region in Muslim Mindanao (BARMM) nga iduron iti napaspas a panagdur-as iti ekonomia iti rehiyon tapno mapasayaat iti kalidad ti panagbiag dagiti umili.
Ti panawagan ket inaramid ti presidente iti panagdar-ayna iti maikapito a founding anniversary iti BARMM a napasamak iti Shariff Kabunsuan Cultural Complex idiay Cotabato City.
Segun ken ni Marcos, no man pay makitkitan iti panagdur-as iti BARMM ket adu pay iti rumbeng a maaramid tapno magun-od iti pudno a panagdur-as.
Kinunana nga itultuloy iti gobierno iti panangpalawa iti pagsapulan ken dagiti aktibidad iti ekonomia iti BARMM tapno maipangato ti lebel ti pagbiagan iti rehiyon ken maipangruna iti pagsayaatan iti tunggal Pilipino.
Siguradoen ti presidente kadagiti umili iti BARMM iti agtultuloy a suportar iti national government para iti kalikagum a napaut a kappia ken panagdur-as.
