Nasayaat ken balligi iti panangyatiddog ti pannakaipila ken panagbayad ti Annual Income Tax Return.
Dayta iti impannakkel ti Bureau of Internal Revenue (BIR) kasaruno iti panagleppas iti maysa a bulan nga extension a bilin ni Pres. Ferdinand Marcos Jr. tapno maaddaan ti napapaut a panawen ti taxpayers.
Segun ken ni BIR Commissioner Charlito Mendoza, nasayaat, kontrolado ken balligi iti maudi a filing ken payment.
Nagyaman ti opisyal iti taxpayers ken kadagiti kameng ti BIR iti panagtignay ken pannakikaysa iti panawagan iti ahensia.
Kabayatanna, impannakkel ti BIR nga umabot iti nasurok P422 billion ti pakabuklan a koleksyonda iti intero a bulan iti Abril.
Nangat-ngato dayta iti P12.7 billion wenno nasurok tallo a porsiento kumparar iti targetda.
