--Ads--
Nangisayangkat iti programa nga Iwas PapuToxic ti EcoWaste Coalition ken Philippine Animal Welfare Society iti maysa a mall idiay Quezon City ita nga aldaw.
Ti programa ket panawaganda iti publiko a liklikan ti panagaramat iti palpalibang ken fireworks iti umay a Baro a Tawen.
Segun ken ni Atty. Anna Cabrera, PAWS Executive Director, gagem ti aktibidad a masalwadan dagiti dingwen nangruna dagiti aso ken pusa nangruna iti salun-at dagiti tao ken aglawlaw manipud iti dakes nga epekto a napigsa a panagbettak ken nakaro nga asok.
Para met ken ni EcoWaste National Coordinator Aileen Lucero, ti parambak nga awan palpalibang ket mangkissay iti polusyon ken buteng a marikna dagiti dingwen.
-- ADVERTISEMENT --
