Pannkarpuog ti maysa a pasdek idiay Lebanon, sangapulo ket uppat ti natay

Umaboten iti sangapulo ket uppat ti natay iti pannakarpuog ti pasdek iti Tripoli City, Lebanon.

Segun ti Lebanese civil defense, ti pasdek ket buklen ti innem nga apartment’s idiay Bab al-Tabaneh, maysa kadagiti karigatan a lugar ti siudad.

Mapatta-patta nga umabot iti duapulo ket dua nga indibidwal iti adda ti pasdek idi mapasamak ti pannakarpuog.

Adda walo a nakalasat iti insidente bayat nga insardengen dagiti otoridad ti panagsapul.

Agtultuloy met ti imbestigasion dagiti otoridad iti napasamak nga insidente.