VIGAN CITY- “Personal nga interes laeng, awan natibker a pagibasaran iti pannakakemmeg ni Sen. Antonio Trillanes IV”, dayta iti reaksyon ni Magdalo partylist Rep. Gary Alejano kalpasan iti panangiparuwar ti Makati Regional Trial Court branch 150 ti warrant of arrest ni Trillanes gapu iti kaso a rebelyon.
Ti pannakiuman ti Bombo Radyo Vigan, inpaganetget ni Alejano a napressure laeng ni Makati RTC branch 150 Judge Elmo Alameda isu nga inparuar na ti warrant of arrest ket nalawag a ti napasamak ket maysa kadagiti pananglipit ti Duterte Adminsitration kadagiti ahensya ken institusyon ti gobierno tapno kumappeng kadakuada.
Inaklon ti kongresista a nakigtot idi nadamag na ti napasamak ya awan ti kaso ti senador ken atiddog pay a proseso sakbay a pormal a mawaswas ti amnestiya a naited kenkuana.
