Pannakatay ti NTA administrator, saan a makaapekto iti operasyon ti ahensya

VIGAN CITY – Saan pay laeng nga ammo nu anya iti pudno nga impatay ni National Tobacco Administration (NTA) Administrator Dr. Robert “Banting” Lizardo Seares a nagserbi a mayor idi idiay Bangued, Abra.

Pimmusay ti opisial iti tawenna a pitopulo ket innem kabayatan iti pannakatamingna idiay St. Lukes Medical Center ta datin a nagsaksakit.

Segun ken ni NTA Director Teofilo Quintal, mapapati a cardiac arrest ti impatay ni Seares ngem maiyur-uray pay iti resulta iti panagadal tapnu maamuan nu ania ti rason iti pannakatay na.

Idi March 12 ket napan pay laeng iti opisina da ti NTA Administrator ngem idi March 13 ket madin iti bagbagi ja isu a nai-admit iti ospital.

Inpasigurado ni Quintal a ti pannakatay ti NTA Administrator ket saan a makaapektar iti operasyon ti NTA Central Office ta nairana iti enhanced community quarantine ngem mabalin a maikkan ti accreditation dagiti private tobacco farmers tapnu maibiyahe da dagiti produkto da a tabako babaen ti Department of Agriculture.