VIGAN CITY – Pinasingkedan ni Governor Ryan Singson a posible a makiddaw iti Regional Inter-Agency Task Force for the Management of Emerging Infectious Disease a maidalan pay iti dadduma nga ili iti probinsia ti Modified Enhanced Community Quarantine no man bilang nga umado iti kaso iti covid-19.
Segun ken ni Gov. Singson, saan a masigurado iti panagtalinaed iti bilang dagiti kaso iti covid-19 iti tunggal ili isu a no man bilang nga umado ket makiddaw manen iti pannakaidalan iti MECQ.
Pinasingkedannna a no man pay uppat laeng nga ili iti naidalan iti MECQ ket rumbeng a makitinnulong dagiti agindeg.
Innayonna pay a nainget dagiti border iti probinsia isu a dagiti LSI, ROF, APOR a sumrek iti probinsia ket rumbeng nga ipakitada iti negatibo a resultada iti dimmalananda a covid-19 test.
