Immapela ti Commission on Elections (COMELEC) ken ni President Ferdinand Marcos Jr. nga insigida a mangdutok ti kasukat dagiti dua a commissioner a nakaituding ng agretiro inton sumaruno a bulan.
Segun ken ni Comelec Chairperson George Garcia, nakaituding nga agretiro inton Pebrero da Commissioners Socorro Inting ken Marlon Casquejo kalpasan ti pito a tawen a terminoda.
Kinuna ni Garcia a ti nasao nga addang ket tapno agbalin latta a normal iti panagsagana ken operasyon iti Comelec.
Impaganetget ni Garcia iti kinapateg ti kaaddaa ti kompleto a seven-man Commission en banc a mangiggem iti election cases.
Apaman a makaretiro da Casquejo ken Inting ket buklen laengen ti Comelec da Garcia ken dagiti Commissioners a da Rey Bulay, Aimee Ferolino, Ernesto Maceda, ken Nelson Celis.
Dagiti agretiro a commissioner ket nadutokan bayat ti Duterte Administration ta April 2018 ni Inting idinto a ni Casquejo ket idi June 2018.
