--Ads--
Inallukoy ni Senador Loren Legarda iti panangpapigsa ti literacy programs kas kangrunaan a paset ti learning recovery efforts ti pagilian kasaruno ti selebrasion iti International Literacy Day.
Segun ken ni Legarda, masapul a nalawag ti priyoridad ken masigurado a makabasa ken maka-awat dagiti ubbing a Pilipino.
Segun iti Second Congressional Commission on Education (EDCOM II), umabot iti uppat a pulo a porsiento dagiti agad-adal manipod iti Grade 1 agingga Grade 10 ti struggling readers iti rugi ti School Year 2025–2026.
Segun ken ni Legarda, napateg met ti akem dagiti mangisursuro ken pagadalan iti panangingato ti reading levels, ngem kasapulan pay ti a magun-od dagiti programa dagiti ubbing bayata a mapagtalinaed ti suporta.
-- ADVERTISEMENT --
