Pagduduaan ti Office of the Ombudsman ti leave ni Senador Loren Legarda iti panagpanaw na iti pagilian ken agtultuloy a panagtalinaedna iti sabali a pagilian.
Pinasingkedan ni Assistant Ombudsman Atty. Mico Clavano, a saan a maliklikan ti Ombudsman a maaddaan ti spekulasion mainaig iti panagbiahe ti agpampanday linteg.
No adda talaga iti seryoso a sakit ni senador Legarda, mammaminsan kuma nga agkiddaw ti medical leave saan a doble-doble ti panagkiddaw na ti extension.
Innayon ni Clavano a daytoy ti rason no apay a kasapulan nga ikkan ti atension ti tignay ti ar-aramiden ti senadora gapu ta kagiddan daytoy ket awan pay iti pagilian ti anak-na a ni Batangas 1st District Representative Leandro Leviste.
Sumangsango iti reklamo a plunder, graft ken conflict of interes iti Ombudsman dagiti agina a da senador Legarda ken representative Leviste.
