VIGAN CITY- Agkadua da Health Secretary Francisco Duque III kenni dati a Health Secretary Janette Garin isu a saanen a masdaaw ni Public Attorney’s Office Chief Persida Rueda Acosta nga isuna ti pabasolen dagiti dua nga akin-basol ti panagbuteng dagiti tattao iti vaccination program iti gobiyerno gapu ti isyu ti Dengvaxia iti kangitingitan iti panagwaras iti kamuras ditoy pagilian.
Ti pannaki-uman ti Bombo Radyo Vigan ken ni Acosta, naibaga na a saan a nakapappapati ti panangpasagid ni Garin nga adda ti nagkurangan ni Duque isu a napasamak ti measles outbreak ta agkadua da a nangipatungpal ti panagbakuna ti dengvaxia.
Nu pay kasta, inkari ti PAO a saan nga agpaapektar kadagiti pammabasol kontra kenkuana ta ni Presidente Rodrigo Duterte iti mismo nangibaon kenkuana nga imbestigaran na iti isyu ti dengvaxia ken ipaayan na ti hustisya dagiti natay.
