Pinaglibakan ni dati a Health Undersecretary Kenneth Hartigan-Go nga im-promote na ti panagaramat ti Dengvaxia iti baet ti dati a koneksyonna iti maysa a foundation nga adda pakainaigan ti distributor-na.
Segun ken ni Hartigan-Go, iti kaano man ket saan a nag-advertise wenno nagilako iti aniaman a produkto ti foundation-da a Zuellig Family Foundation a nagserbianna nga executive director manipod 2001 agingga 2009.
Inaminna a pinirmaanna ti maysa a rekomendasyon idi 2015 ti Formular Executive Council a mangted ti exemption iti Dengvaxia manipod Philippine National Drug Formulary.
Ti nasao nga exemption iti mangpalubos iti gobierno a makagatang ti legal para ti nasao a bakuna ngem saan a naaprubaran.
Segun kadagiti prosecutor, mapapati a pinasingkedan ni Hartigan-Go ti nasao a rekomendasyon iti maysa a panagadal iti Sanofi, ti nagaramid ti Dengvaxia.
Ngem kinuna ti dati nga opisyal a saanna nga ammo dagiti nasao a klase ti reference iti dokumento.
Ti kaso ket maipanggep ti mapapati nga iregularidad iti panaggatang ti P3.5 billion a gatad ti Dengvaxia idi 2015, a karaman a nakasoan ni dati a Health Secretary ken agdama a House Deputy Speaker Janette Garin ken dadduma pay.
