Vigan City – Imbabawi ni Buhay Partylist Rep. Cong. Lito Atienza iti botosna a yes ken nag-abstain pay laeng inaig iti Anti-Terrorism Bill iti gobierno.
Dayta ket kalpasan iti nadumaduma a reaksyon dagiti umili inaig iti nasao nga isyu a mabalin a saan a napintas iti epektona iti kaaduan.
Segun kenni Cong. Atienza, napadaras laeng iti pannaka-aprubar iti nasao a gakat isu a saan a naikkan iti gundaway tapno makapagsarita dagiti dadduma a sektor.
Gapu iti dayta ket kliddaw ni Atienza a maaddaan manen iti gundaway tapno mapagsaritaan ti gakat ken tapno maikkanen iti gundaway a makapagsarita dagiti mangkonkontra tapno lawlawaganda dagiti mangsupsuportar.
Kasta pay a kinuna na nga awan iti serbi iti linteg no saan a mangeg iti arungaing iti kaaduan ta rumbeng laeng nga ikonsiderarda iti kapanunotan dagiti umili.
