Pinasingkedan ni Palace Press Officer Undersecretary Atty. Claire Castro a ti sangsangoen kaso a plunder ni Senador Rodante Marcoleta ket nakabasar iti maipagarup a panangaklon na nga immawat ti P75 milyon a donasion manipud kadagiti tallo a donors bayat nga isu ket kongresista.
Segun ken ni Castro, uray impaganetget ni Marcoleta a saan a daytoy a naggapu iti pondo ti gobierno ti nadakamat a gatad ket mabalin a sakop latta iti probision ti pluner law mainaig iti ill-gotten wealth, pakairamanan ti panagawat ti aniaman a pinansyal a benepisio mainaig ti posision ti gobierno.
Inallukoy pay ni Castro ni Marcoleta nga ipaima lattan iti korte ti patangan ken bay-an ti proseso ti hustisia.
Innayon ti opisial a no adda naan-anay nga ebidensia ket ti korte ti masapul nga agdesision ken saan a dagiti kilos-protesta a mabalin a makaapektar iti sabali nga umili.
