Pinasingkedan ni Senador-judge Panfilo Ping Lacson a saan a masapul a makibiang ti Senado wenno impeachment court iti panang-decision a mabalin a makipaset da detained Senador Rodante Marcoleta ken Senador Jinggoy Estrada iti impeachment trial.
Impaganetget ni Lacson a masapul a dagiti abogado ti dua a senador ti agkiddaw iti Sandiganbayan no kayat da a makadar-ay, maka-botos wenno makipaset iti proceedings babaen iti online setup.
Immunan nga imbasura ti Sandiganbayan Fifth Division idi Hulyo ti kiddaw ni senador Estrada a dumar-ay iti impeachment trial no sadino pinasingkedan da nga awan ti naan-anay a legal a basaran tapno palubosan ti doble-doble a panagruar na manipud iti detention.
Ni met Marcoleta ket nangipila ti manifestation ket impaganetget na nga agtaltalinaed ti karbengan na a maka-botos kas senator-judge iti baet ti pannakaibalud-na.
