VIGAN CITY – Nasaganaan dagiti Israel Defense Forces ti panang-rescue da kadagiti uppat a hostage ng Hamas idiay Gaza Strip.
Iti pannaki-uman ti Bombo Radyo Vigan ken ni Bombo International News Correspondent Thess Vicente nga Overseas Filipino Worker idiay Israel, nalimed ti panagplano ti Israel Defense Forces para ti rescue operations manipod napasamak ti panagatake dagiti Hamas idi October 7, 2023 a nakahostage-an dagiti umili manipod Israel.
Segun ken ni Vicente, gapu ti pannakarescue dagiti uppat a tattao ket nagkaykaysa dagiti umili a nagyaman ket nagkararag tapno manayunan pay dagiti maisalakan manipod Hamas.
VIDEO – THESS VICENTE
Inlawlawag met ni Bombo International News Correspondent Rosalie Tica nga adda idiay Tel Aviv, Israel a tapno mapagballi-an ti rescue operation ket nagaramid ti Israel Defense Forces ti pakaiballaetan ti imatang dagiti umili tapno maaramid ti planoda.
Segun kenkuana, adda ti espiya ti Israel nga isu ti mangpakpakaammo kadakuada ti kasasaad dagiti kailianda ken nu sadino iti nakaipananda.
Maibilang a trahedya a panagsalakan ti naaramid ta adda adu ti natay a Palestinian pakairamanan dagiti ubbing, babbaket ken lallakay.
Kabayatanna, sisasagana latta dagiti umili idiay Israel iti aniaman a posible a mapasamak ta adda dagiti taraon ken mainom a nakaidulin a mabalinda nga aramaten nu bilang adda rinnanget a mapasamak ken kasapulanda ti aglemmeg ti bomb shelter.
VIDEO – BINC ROSALIE TICA
