Panagutang iti gobierno, umabot iti P877 billion iti umuna a dua a bulan ita a tawen

Dakkel ti ngimmatoan ti foreign debt ti administrasyon ni Pres. Ferdinand Marcos Jr. iti umuna a dua a bulan ita a tawen kas pinasingkedan ti Bureau of the Treasury (BTr).

Maibasar iti kaudian a listaan, umabot iti P877 billion ti pakabuklan nga inutang iti gobierno agingga Pebrero, nangatngato dayta kumparar iti P552.7 billion iti isu met la a panawen idi napalabas a tawen.

Iti salinong ti Marcos administration, napaboran ti domestic borrowing nga umabot iti P684.3 billion, nasursurok iti doble kumparar iti P293 billion idi napan a tawen.

Ti dakkel a paset ket naggapu iti treasury bonds ken treasury bills.

Gapu dayta ket kaaddoan ti utang iti gobierno ita ket manipod iti uneg iti pagilian.