Inawagan a desperado nga addang ken politika laeng ni ACT Teachers Partylist Representative Antonio Tinio ti nasapa a deklarasion ni Bise Presidente Sara Duterte a tumaray a presidente inton 2028 elections.
Segun ken ni Tinio, nalawag a calculated move ti anunsio tapno ikkaten ken ma-pressure dagiti agpanpanday linteg sakbay a maisayangkat ti panagdengngeg ti Kamara iti sangsangoen na nga impeachment complaint.
Mamati ti opisial a padapadasen ni bise presidente nga iyaw-awan ti atension ti publiko ken Kongreso manipud kadagiti seryoso nga akusasion kontra kenkuana.
Pinasingkedan ni Tinio a saan a mabaliwan ti kinapudno nga adda ti natibker nga ebidensia iti reklamo a naipila.
Kampante pay ti opisial nga ti oras a mangrugi ti imbestigasion ket maibutaktak ken mapaneknekan ti isyu mainaig iti panagusar ti pondo ti gobierno iti salinong ti opisina ni Duterte.
