--Ads--
Saan a nag-kampania ni Presidente Ferdinand Marcos Jr. tapno ited ti posision iti sinuman ken inkari na nga agtrabaho para iti pagilian ken leppasen na ti termino-na.
Daytoy ti impakaammo ni Palace Press Officer Atty. Claire Castro kasaruno ti alegasion ni Ramil Madriaga iti House Justice Committee.
Segun ken ni Madriaga, adda ti maipagarup a katulagan da Marcos ken Bise Presidente Sara Duterte idi 2021 a bumaba iti puwesto ni presidente Marcos iti tawen 2025 tapno maikkan dalan iti posision ni VP Sara.
Pinasingkedan ni Castro a nakigtot ti presidente kadagiti pammabasol ken nainget a pinaglibakan na ti aniaman a kinapudno iti nadakamat a katulagan.
-- ADVERTISEMENT --
