Bigbigen ti Malakanyang ti amin a lehitimo a performance survey mainaig iti Marcos administration.
Dayta ket mainaig iti kabaroan nga SWS survey a 55 percent kadagiti pamilia a Pilipino ti mangibaga a marigrigatda.
Segun ken ni Palace Press Officer Claire Castro, siguradoen ti Malakanyang a palawaen ti gobierno dagiti programa a nakatutok kadagiti marigrigat a Pilipino.
Numan pay bigbigen ti gobierno ti amin a lehitimo a survey, saan pay laeng a maikkat ti kanayon nga agbaliw a poverty incident gapu iti inflation kas maisurot iti palawag ti National Economic and Development Authority.
Karaman ditoy ti panangipaay iti bente pesos a bagas, Walang Gutom ken 4Ps ti Department of Social Welfare and Development o DSWD, ken ti school-based feeding program ti administrasyon.
