Imbilin ni Presidente Ferdinand Marcos Jr a direkta a maited kadagiti local government units ti pondo para iti pannakaipatakder dagiti klasrum tapno naal-alisto ti panangsulbar iti pagkuranganna iti intero a pagilian.
Daytoy a decision ket maibilang a pannakapukaw ti talek iti Department of Public Works and Highways kalpasan a saan a makompleto ti dakkel a paset dagiti proyekto ken gapu kadagiti pammabasul iti anomalya iti ahensia.
Segun ken ni Palace Press Officer Claire Castro, naituding nga agperma ti Department of Education ken Department of Public Works and Highways iti memorandum of agreement kadua dagiti LGU tapno maipatungpal ti baro a sistema.
Ti addang ket kalpasan nga inamin ni Sec. Vince Dizon a 22 a klasrum pay laeng manipud iti 1,700 para iti 2025 ti nalpas ti DPWH.
