Maysa ti natay iti panagdinnungpar ti SUV ken motorsiklo nga idiay Barangay Bulbulala, Santiago, Ilocos Sur.
Nabigbig ti nagmaneho iti Mitsubishi Adventure a ni Oscar Jimena Vasquez Jr., agtawen iti uppat a pulo ket pito, taga-Barangay Sulvec, Narvacan.
Ti met nagmaneho iti Yamaha Mio I ket ni Dominic Baldevicio Toquero, agtawen iti duapulo ket uppat, taga-Barangay Bagani Ubbog, Candon City.
Agpapa-amianan ti Mitsubishi idinto nga agpaabagatan ti motorsiklo, ket idi nagtengda ti nakapasamakan ti insidente, immagaw ti motorsiklo iti linya kangrunaan iti kurbaan a paset ti kalsada ket nagdinnungpar.
Nagsagaba iti adu a dunor ti nagmotorsiklo a naitaray iti ospital ngem naideklarar a dead on arrival.
Saan met a naan-ano ti drayber ti SUV ken dagiti inluganna.
