Uppat ti nadunor iti panagdinnungpar ti mini dump truck ken kurong-kurong iti national highway ti Barangay San Antonio, Narvacan, Ilocos Sur.
Ti Mitsubishi Canter minidumptruck ket minaneho ni Dexter Cortel Cabanas, agtawen iti uppat a pulo ket uppat, taga-Banaoang, Santa.
Ti met kurong-kurong ket minaneho ni Raymar Galuno de Guzman, agtawen iti duapulo ket lima, inluganna ti maysa nga agtawen iti sangapulo ket maysa a babai, ni Mylene Lapitan de Guzman, agtawen iti tallopulo ket siam ken ni Ashamolie Espiritu, agtawen iti duapulo ket walo, agpapada a taga-Quinarayan, Narvacan.
Iti pannaki-uman ti Bombo Radyo Vigan City ken ni Police Staff Sergeant Allen Rosal, agpapa-abagatan ti mini dump truck ket idi madanonna ti nakapasamakan ti aksidente, immagaw ti kurong-kurong iti linya, puon ti panagdinungparda.
Nadunor dagiti naglugan iti kurong-kurong idinto a saan a naan-ano ti drayber ti mini dump truck.
