VIGAN CITY – Kumarkaro iti mapaspasamak a riribok idiay Hongkong a ti nangrugyan na ket rally laeng dagiti rinibo a tattao gapu ti extradition bill.
Ti pannaki uman ti Bombo Radyo Vigan, inbaga ni Rose Galinato Alcid a presidente ti OFW- North Alliance a taga- Candon City ken nabayagen nga Overseas Filipino Worker idiay Hongkong, mabuteng da a rumuwar kadagiti pagtaengan dagiti amo da ta rumagranggas dagiti tattao nga agprot-protesta ken arigna awanen it kabuteng da.
Kinunana, addan to iti maaramid a rally inton August 27 kadagiti amin a sangapulo ket maysa a distrito nga isu iti pagbutngan da unay ta posible a nakarkaro pay ngem iti agdama iti posible a mapasamak to iti dayta nga aldaw.
Kabayatanna, inbaga ni Alcid a maiparit payen iti panagbado iti nangisit ken puraw idiay Hong Kong tapnu saan ida a mapagbiddutan dagiti riot police a karaman kadagiti agprot-protesta.
