--Ads--
Impalagip manen ti Department of Education (DepEd) kadagiti agad-adal, nagannak ken kadagiti kameng ti pagadalan iti maipatpatungpal a polisiya a mangiparit iti panagaramat iti gadgets bayat a maisaysayangkat iti klase wenno instructional hours.
Segun ti DepEd, mabalin laeng nga aramaten dagiti electronic device no ti gagem ket iti edukasyon wenno adda emergency.
Ti addang ket kasaruno iti DepEd Order No. 006 series of 2026 wenno Guidelines on Ensuring Safe and Motivating Learning Environment (ESMLE).
Allukoyen ti ahensya dagiti pagadalan a paingeten ti information ken advocacy campaign-da tapno masigurado iti polisiya ken maiyetnag iti kinatalged, responable ken husto a panagaramat ti internet ken digital device.
-- ADVERTISEMENT --
