VIGAN CITY – Manarimaan iti imbestigasyon dagiti kameng ti Tagudin Municipal Police Station inaig iti napasamak a pammaltog idi January 4 idi alas nuebe kwarenta iti rabii.
Pinaltogan iti saan pay nabigbig a suspek ti biktima ni Herbert Cardenas Bunuan, agtawen ti uppat a pulo, naasawaan, maysa a contractor nga agnaed idiay Dardarat, Tagudin iti uneg iti Magdalena Restaurant.
Simrek iti nasao a restaurant ti suspek a mapatta-patta nga agtayag ti 5’11, naka-jacket ti nangisit, naka-baseball cap ken naka-mask ti blue nga immasideg iti likudan ni Herbert sa na pinaltugan ngem pimmalya iti paltog nga inaramat ti suspek ket idi timmalyaw ni Herbert, nagputok iti paltog isu a natamaan iti akin- kannigid a pingpingna isu a naitaray idiay Ilocos Sur District Hospital- Tagudin para iti pannakatamingna.
Ti agdama, awan pay laeng iti paglawlawagan iti nasao a pasamak isu a manarimaan iti imbestigasyon dagiti otoridad.
