VIGAN CITY – Manarimaan pay laeng iti imbestigasyon dagiti pannakabagi ti linteg idiay syudad ti Candon inaig iti pammaltog a napasamak idi alas otso kwarenta ti bigat idi kalman idiay Barangay Ayudante, Candon City a nakatayan ni Ramon Puzon Dela Rosa nga agtawen iti uppat a pulo ket siyam, naasawaan, awanan iti pagsapulan ken agnaed idiay Pila West, Sta. Lucia.
Segun ken ni Police Lieutenant Col. Jugith del Prado, hepe ti Candon City police station, uray nu ti papanan ti biktima ken ti ama na a ni Isabelo Dela Rosa ken ti kasinsin na idi kalman ket hearing kuma iti kaso da inaig iti iligal a droga, saan nga isu laengen iti anggulo a tuttutukan dagiti pannakabagi ti linteg nu di ket mangkitkita da pay kadagiti posible nga anggulo ken motibo iti pannakapapatay ti biktima.
Idi adda pay laeng idiay Sta. Lucia ti biktima a nakalugan iti Toyota Hi-ace a minaneho ti ama na, nadlawen ti ama na nga adda iti sumur-surot kadakuada ket idi nakalabes da idiay arko ti Candon City, sakbay ti junction ti by-pass road, immabay dagiti suspek a nakalugan iti motorsiklo ket pinaltugan da ti biktima a nakalugan iti abay ti driver.
Ti damo a putok iti paltog ket inpagarup ni Isabelo a ti pilid iti lugan da ti pimmutok isu a nagin-inayad a nangpataray iti lugan da nga isun iti nanggundawayan dagiti suspek a nangpalto-paltog ken ti biktima a poon iti nakatayan na.
Kabayatanna, babalawen met iti pamilya ti biktima iti pulis a mapapati a nakakita kadagiti suspek iti pammaltog ta ibagbaga da nga isuna pay iti nangtulong kadagiti suspek tapnu makalibas da ngem segun ken ni Del Prado, saan a namnamaen ti pulis a dagiti patien na a nairaman iti aksidente nga isu iti naitawag kenkuana a rinespondean na ket isuda dagiti suspek iti shooting incident idi kalman.
