VIGAN CITY – Temporaryo nga agtalinaed nga agklase dagiti agadadal iti Grade IV ti Nagpanaoan Elementary School iti canteen wenno computer room iti pagadalan.
Iti pannaki-uman ti Bombo Radyo Vigan kenni Head Teacher I Beatriz Billones, sangapulo ket pito nga estudyante iti Grade IV iti naapektaran iti pannakadadael iti classroomda kalpasan a limmabas ti ipoipo idi rabii ket nakaaramid dan iti plano nga agklaseda a temporaryo ti canteen wenno computer room ti pagadalan.
Naipakammun nga insigida iti nasao a pasamak ti DepEd Divison of Ilocos Sur inaig iti pannakadadael iti classroom nga insigida a nangisayangkat ti assessment tattay bigat.
Mangnamnama ni Billones a masimpa nga insigida iti nadadael a classroom ta kumportable dagiti estudyante nga agbasa.
