Impaganetget ni Senador Sherwin Gatchalian a saan a mabalin a kemmegen iti uneg iti Senado iti siasinoman a senador.
Ti reaksyon ti agpampanday linteg ket maipanggep iti posible a panagkemmeg ti International Criminal Court (ICC) ken ni Senador Bato dela Rosa.
Segun ken ni Gatchalian, rumbeng a dayawen iti amin nga institusyon.
Inlawlawagna a saan a kayat a sawen a depensaran ti Senado iti maysa a senador nu nagbasol ngem idi pay laeng ket naiyetnagen ti polisiya a saan a rumbeng nga aramiden ti panagkemmeg iti uneg iti Senado.
Uray iti dadduma a senador a sumangsango iti kaso ket awan iti napasamak a panagkemmeg iti uneg iti Senado.
Kabayatanna, manipod nagsubli ti session idi November 10 kalpasan ti Undas ket saan pay a nagparang ni Dela Rosa iti Senado.
