Nauram itay parbangon ti Dangdangla Elementary School idiay Barangay Dangdangla, Abra nga agserbi kas voting center inton May 12, 2025 National and Local Elections.
70 percent ti nadadael iti voting center ti nasao nga ili gapu iti uram, kas pinasingkedan ni Commission on Elections Chairman George Erwin Garcia.
Iti pannaki-uman ti Bombo Radyo Vigan ken ni Senior Fire Officer 1 Eldimer Testado, Investigator on Case manipud ti Bureau of Fire Protection-Bangued, uppat a units ti nauram a pakairamanan ti main office, klasrum ti Grade 1, 2 ken 4 a ti pakabuklan a kalawana ket 309 square meters.
Naibayog iti umuna nga alarma ti uram ta idi makasangpet dagiti bumbero ket dakkelen ti apuy gapu iti kapaspasna a nagkayamkam agsipud ta naaramid laeng ti light materials ti pagadalan.
Napan met dagiti kameng ti Comelec ken DepEd ti lugar tapnon maiwayat ti assesment.
Iti agdama, manarimaan ti panagimbestigar ti BFP-Bangued no ania ti nagtaudan ti uram.
