Inaprubaran ti Senate Finance Committee ti gakat a P969.79-bilyong budget ti Department of Education (DepEd) ken dagiti attached agencies na para iti 2027, idinton a maiur-uray ti pannakatratar ken panagipasa dagiti makidkiddaw a dokumento.
Nababbaba daytoy ti P6.17 bilyon kumpara iti 2027 National Expenditures Program (NEP).
Iti General Appropriations Bill, nakailatang ti P967. 23 bilyon para iti DepEd ken P2.561 bilyon para kadagiti attached agency na daytoy.
Karaman kadagiti ahensia ti National Council for Children’s Television, National Museum of the Philippines, National Academy of Sports, National Book Development Board, Philippine High School for the Arts ken Teacher Education Council.
Nagkiddaw ti DepEd ti nayon a P147.93 bilyon tapno pondoan ti agduduma a programa, pakairamanan ti Academic Recovery and Accessible Learning (ARAL) Program nga awan ti nakailatang nga standalone budget iti NEP.
