Binabalaw ni ACT Teachers Representative ken Deputy Minority Leader Antonio Tinio ti Office of the President (OP) kalpasan a rimmuar iti National Expenditures Program (NEP) a ti 44.9% ti proposed budget ti Malakanyang ket nakalatang iti confidential ken intelligence funds ti Presidente.
Pinasingkedan ni Tinio a ti alokasion ket kadakkelan a nailatang iti confidential ken intelligence funds (CIF) iti proposed ₱7.2-trilyon a budget para iti 2027 ti NEP nga alokasion para iti Office of the President.
Impaganetget ni Tinio a saan daytoy a maitunos iti ibagbaga a good governance ti administrasion.
Kabayatanna, binabalaw pay ni Tinio ti maipagarup a kina-adda ti “double standard” iti agdama a pulitika ti pagilian no sadino ni Vice President Sara Duterte ket sumangsango ti impeachment ken nainget a public scrutiny gapu iti maipagarup a madi a panagaramat ti confidential funds idi panawen nga isu pay laeng ti secretary ti Department of Education.
