Impasardeng pay laeng ni Senador Kiko Pangilinan ti implementasion ti P33 billion a gatad ti farm-to-market roads ti Department of Public Works and Highways (DPWH).
Daytoy ket iti baet uray a pimmabor ti senador iti gakat a General Appropriations Bill para iti tawen 2026.
Pinasingkedan ni Pangilinan a delikado ti anti-corruption efforts ken seguridad iti taraon no isubli ti DPWH ti panagimplementar ti farm-to-market roads.
Sinuportaran na ti bicameral conference committee report ngem kiddaw na ken ni Presidente Ferdinand Marcos Jr. nga i-veto ti probision a palubosan ti Department of Agriculture a maaddaan ti memorandum of agreement iti DPWH para iti P33 bilyon a farm-to-market roads program.
Innayon pay ni Pangilinan nga agtalinaed nga adda iti DPWH dagiti saan a marisut a kaso nga administratibo ken kriminal nga adda pakainaiganna iti flood control projects anomaly. Reynand Fontejon
