Nangipila ti gakat ti Makabayan coalition iti panangidaulo ni ACT Teachers party-list Rep. Antonio Tinio a doblien ti social pension dagiti marigrigat a senior citizen.
Maibasar ti gakat, kayat ti grupo ni Tinio a pagbalinen a P2,000 ti social pension dagiti marigrigat a senior citizens manipod iti agdama a P1,000 kada bulan, a mairamanan payen ti benepisyaryo dagiti miembro ti Social Security System (SSS) ken Government Service Insurance System (GSIS) a saan nga aglablabes iti P10,000 ti naawatda a pension.
Inlawlawagna a napateg a mairaman dagiti SSS ken GSIS pensioners ta adu kadakuada iti makapaspasar iti economic difficulties kas iti marikrikna dagiti marigrigat a senior citizens.
Segun ken ni Tinio, ti nasao a gakat ket resulta iti adbokasia iti Seniors Kontra Kurakot (SKK), maysa nga asosasyon dagiti senior citizens nga agkamkampania para iti dusa iti gobierno.
Immapelada pay iti Kongreso ken national government nga yatiddog pay ti social pension program ken ikkan ti umdas a pondo tapno matulongan amin a senior citizens iti pagilian.
