Pinasingkedan ni House Deputy Minority Leader at ACT Teachers party-list Rep. Antonio Tinio iti publiko a bantayan ti 2027 General Appropriations Bill (GAB) gapu ta manamnama a bumaba ti congressional insertions.
Inaramid ti agpampanday linteg ti statement gapu ta baliwan ti NEP ti Department of Public Works and Highways (DPWH) babaen ti maipasa nga ‘errata’ iti pondo da inton sumaruno a tawen.
Ti DPWH ket adda P643.95 bilyon a pondo inton 2027 no sadino P176.6 bilyon daytoy ket inilatang para iti Network Development Program wenno para met kadagiti road projects.
P157.3 bilyon met para kadagiti imprastraktura partilukar iti turismo, trade, seaports ken dagiti public buildings.
Nakailanad iti orihinal a National Exependiture Program (NEP) ti DPWH nga adda nakailatang a P107.4 bilyon no sadino P83.84 bilyon ket para iti flood control projects idinto a P19 billion ket paset ti gobierno iti foreign-assisted projects.
