Patien ni House Deputy Minority Leader ken ACT Teachers party-list Rep. Antonio Tinio nga adda leadership fund a nakadeposito iti Department of Public Works and Highways (DPWH).
Iti panagrugi iti panagdenggeg ti House Committee on Appropriations iti 2027 National Expenditure Program (NEP) nga aggatad ti P7.2 trillion, pinaglibakan ti Department of Budget and Management (DBM) Secretary Kim Robert de Leon nga adda leadership fund iti budget inton sumaruno a tawen.
Kinuna ni de Leon nga awan iti nasao a pondo kalpasan a sinaludsod ni Tinio no adda leadership funds kas iti imbutaktak ni dati a DPWH Secretary Manuel Bonoan iti Sandiganbayan kalpasan a timmestigo iti kaso a sangsangwen ni dati a Sen. Ramon “Bong” Revilla Jr.
No pay kasta ket impakita ni Tinio ti P49 billion a nakadeposito iti DPWH Central Office a patienna a leadership funds.
Ngem segun ken ni De Leon, maysa kadagiti rason iti nasao a pondo iti centeral office ket gapu kadagiti foreign assisted project a saan laeng a ti DPWH ti addaan ta uray iti dadduma pay nga ahensia iti gobierno.
