Nasurok 254,000 a family food packs ti nakasagana kadagiti agduduma a warehouse idiay Bicol Region babaen iti Department of Social Welfare and Development – Bicol Region (DSWD-5).
Pinasingkedan ni Claudio Villareal, hepe ti Disaster Response Management Division ti DSWD-5, a naipakat ti quick response team iti nasao a rehion, ken adda ti PhP273 milion a mausar para iti relief resources kas kadagiti makan ken non-food items a pakaibilangan dagiti sleeping kits, family kits, hygiene kits, ken kitchen kits a maited kadagiti apektado ti Tropical Depression Crising idiay Bicol Region.
Nagpalagip met ti Departement of Health (DOH) kadagiti umili a mangisagana iti “Go” bags para kadagiti emergency a sitwasyon a naglaon kadagiti napateg a dokumento a kas kadagiti flashlight, kandila, puspuro, whistle, portable a radyo, baterya, first aid kit, kwarta, sanitary supplies, taraon, bottled water nga agpaot iti tallo nga aldaw.
