--Ads--
Umabot iti P200,000 ti nadadael a sanikua iti pannakauram ti maysa a pagtaengan idiay Barangay Saoang, San Juan, Ilocos Sur.
Ti pagtaengan ket kukua ti maysa nga agtawen iti uppat a pulo ket innem, agnaed iti nasao a lugar.
Idi makadanon dagiti nagresponde a kameng ti Philippine National Police ken Bureau of Fire Protection iti lugar ti insidente, nagkayamkamen ti apoy iti garaheda nga adda dalikanna, a daytoy ket naaramid laeng iti light materials, agraman dagiti uppar a motorsiklo.
Saan pay nga ammo no ania ti nagtaudan ti uram ngem awan ti nadangran iti pasamak.
-- ADVERTISEMENT --
Nadepdep met ti apoy iti alas kuatro itay parbangon.
