P186.4-M a gatad ti marijuana, nadadael kabayatan ti 6 nga aldaw nga operasion iti boundary ti Ilocos Sur ken Benguet

P186,438,000 a gatad ti fully grown marijuana plants, seedlings, ken fruiting tops ti dinadael dagiti pannakabagi ti linteg iti kabambantayan a paset iti nagbeddengan ti Sugpon, Ilocos Sur ken Benguet.

Iti pannaki-uman ti Bombo Radyo Vigan ken ni Atty. Benjamin Gaspi, ti operasion ket nagpaot iti innem nga aldaw ta nangrugi sipud Enero 16 ken nagpatingga iti Enero 21, 2026.

Nasurok-kumurang 106,500 nga square meters ti nadadael a marijuana manipud iti 144 a plantasyon.

Immabot met iti 6-10 nga oras sakbay a naturongda dagiti nasao a plantasyon.