Mangipaay ti Vigan City Government iti P1,000 fuel subsidy para kadagiti tricycle driver ken operators iti siudad.
Dayta ket kas tignay iti ngimmina a presio ti produkto-petrolyo gapu iti mapaspasaran a riribuk ti Middle East.
Iti naangay a press conference, inlawlawag ni Mayor Randy Singson nga aramidenda ti nasao nga addang tapno saan a mapilitan nga agpangina dagiti tricycle driver iti singirenda a plete kadagiti commuter.
Maited ti P1,000 fuel subsidy iti kinsenas katapusan – P500 iti kinse ti mabilang ken sabalinto manen a P500 iti katapusan ngem plano ti mayor a manayonanto pay.
Nakasagana met a makitaripnong ti city government kadagiti Tricycle Operators and Drivers Association (TODA) tapno pagpatangan no kas bilang anianto ti kasayaatan a fare increase nga ipatungpalda.
