Nagkiddaw ti nayon a P12 bilyon a budget ti Overseas Workers Welfare Administration (OWWA) kalpasan a nausar ti kagudua na iti emergency repatriation funds kas sungbat iti tension idiay Middle East.
Daytoy ti kinumpirma da OWWA Administrator Patricia Yvonne “PY” Caunan, ken OWWA Deputy Administrator for Administration and Fund Management Jasmine Gapatan.
Ti initial emergency repatriation funding ti OWWA ket aggatad ti P1.286 bilyon ken ti agdama ket nagastosen ti P700 milyon.
Maus-usar ti repatriation fund iti panag-proseso kadagiti dokumento dagiti OFW ken dependents iti panagpanaw kadagiti host country.
Karaman pau iti reintegration efforts ti OWWA ti medical financial ken transportation assistance kasta pay ti upskilling, reskilling ken re-employment support.
