Binigbig ti Overseas Workers Welfare Administration (OWWA) dagiti programa ti Taguig City para iti pagimbagan dagiti Overseas Filipino Workers (OFWs) ken dagiti pamiliada babaen ti panangipaayda iti OWWA Kaagapay ng Bagong Bayani ken Likas na Katuwang award idi napan nga Oktubre 27.
Inawat da OPES Officer-in-Charge Alyssa Alillana ken OFW Affairs Office Head Corazon Ybañez ti nadakamat a pammadayaw kas panang bigbig da iti serbisio nga ipapaay ti siudad kadagiti OFW.
Karaman kadagiti programa ti Taguig ti job search assistance, livelihood opportunities ken dadduma pay a nasken a serbisio para kadagiti OFW ken pamiliada.
Iti panangidaulo ni Mayor Lani Cayetano, agtultuloy ti panangpapigsa ti siudad kadagiti programa para kadagiti OFW, pakairamanan dagiti agta-trabaho iti ballasiw-taaw, agsubli iti Pilipinas ken mangirugi manen iti biag da iti Taguig.
