Saan nga agkiddaw ti confidential funds ti Office of the Vice President iti salinong ti 2025 national budget kas pinasingkedan ni Vice President Sara Duterte.
Ti nasao a banag ket impakaammona bayat ti Pasidungog event wenno awarding ceremony tapno bigbigen ti Office of the Vice President partner iti panangimplementar ti agduduma a programa idiay Cebu Cty.
Segun ken ni Duterte, awan ti kiddawenda a proposal para ti confidential funds ita a tawen.
Naaddaan ti parikot iti confidential funds idi 2023 idi nagkiddaw ti P650 million to P500 million para ti office of the Vice President ken P150 million para ti Department of Education a confidential ken intelligence funds manipod Kongreso a posible a nakadadaelan pay ti UniTeam.
Naammoan a naggasto iti P125 million iti uneg laeng iti sangapulo ket maysa nga aldaw idi Disyembre 2022, ket ti House of Representative bababen ti panangidaulo ni House Speaker Martin Romualdez ti nangrealign ti proposed ti confidential funds.
Ti nasao a pasamak ket gappuanan ti panagsao ni dati a President Rodrigo Duterte ken ni Romualdez ket inakusaranna a kayatna ti agbalin a presidente.
Ti Confidential ken Intelligence Fund ket maar-aramat tapno ag-gather ken agala ti impormasyon a kasapulan para ti implementasyon ti agduduma a programa a mainaig ti national security, linak ken talna.
