Inallukoy ni Vice President Sara Duterte iti publiko nga agtalinaed a naalibtak kagiddan iti umuna nga anibersaryo ti pannakaipan ti amana a ni dati a Pres. Rodrigo Duterte idiay The Hague, Netherlands.
Segun ken ni VP Sara, kasapulan nga agtalinaed a nawaya, napudno ken natibker dagiti institusyon iti Pilipinas kontra iti aniaman a panggep a baliktaden iti hustisya.
Kinunana nga awan iti siasinoman a Pilipino iti rumbeng a maipaidaman iti salaknib iti linteg.
Impaganetgetna a ti napasamak nga extraordinary rendition wenno kidnapping ken ni dati a Pres. Duterte ket maysa a seryoso a palagip a ti linteg ket saan a rumbeng nga ar-aramaten a gameng iti politika wenno personal nga interes.
Inallukoyna dagiti umili nga itultuloy nga ilaban iti dayaw iti pagilian.
