Nagpanawagan ni Ombudsman Jesus Crispin Remulla kadagiti opisyal ti gobierno a liklikan ti conflict of interest bayat nga adda iti akem kasaruno iti agtultuloy nga imbestigasyon dagiti sumagmamano nga agpampanday linteg.
Segun ken ni Remulla, rumbeng laeng a mangituding ti standard iti pagilian maipanggep iti kinadisente.
Kinunana pay nga agnegosyo no kayat nge saan a mangpulitika.
Pinasingkedanna a saan laeng dagiti party-list representative ti karaman iti isyu iti sumagmamano nga opisyal nga agserserbi a contractor dagiti proyekto iti gobierno no diketdi sumagmamano a district congressman.
Imimbestigaranen ti Office of the Ombudsman dagiti dua nga agpampanday linteg gapu iti mapapati a panagtagikua wenno pannakairaman ti construction business bayat nga agak-akem kas pampubliko ga opisyal kas pinasingkedan ni Assistant Ombudsman Mico Clavano.
Dayta ket pakairamanan da Uswag Ilonggo party-list Rep. Jojo Ang ken Tarlac Third District Rep. Noel.
Immunan a pinasingkedan ni Remulla a saan a nababbaba iti walo a contractors ti maimimbestigaran maipanggep iti maanomalia a flood control projects.
