Imbilin ti Office of the Ombudsman ti panagpila ti kaso a graft ken falsification kontra ken ni dati nga Education Secretary Leonor Briones, dati a procurement service head ti Budget Department a ni Lloyd Christopher Lao ken dadduma pay a dati nga opisyal.
Mainaig dayta iti panaggatang ti P2.4 billion a mapapati nga overpriced a laptop idi 2021.
Segun ken ni Ombudsman Samuel Martires, nakitaan ti probable cause wenno umdas a pagbasaran ti reklamo kontra iti dua a nasao a dati nga opisyal karaman da dati a DepEd Usec. Annalyn Sevilla, Alain Pascua, Asec. Salvador Malana III ken dadduma pay DepEd officials.
Imbilin pay ti Ombudsman ti pannakairaman ti kaso a perjury kontra kada Sevilla ken dati a PS-DBM OIC Executive Jasonmer Uayan gapu iti mapapati nga overpriced ken outdated a laptop.
Awan pay ti sarita ita dagiti nasao a dati nga opisyal.
