--Ads--
Agaramat ti Office of the Ombudsman iti AI wenno artificial intelligence tapno maadal dagiti dokumento ken ebidensia nga impasa ti Independent Commission for Infrastructure mainaig iti maanomalya a flood control project iti pagilian.
Segun ken ni Ombudsman Jesus Crispin Remulla, karaman kadagiti impasa ti ICI ti 200 megaboxes ti data, dagiti hard drive, ken summary dagiti naisayangkat nga imbestigasion.
Inlawlawag ni Remulla a maaramat laeng ti AI kas tarabay iti panangkita a naimbag kadagiti rekord, ket saan nga isu ti mangituding iti agbalin a resulta ti imbestigasion.
Mapatta-patta a 70 agingga 80 percent ti nakompleton nga ebidensia nga agserbi a pagibasaran no ania dagiti kaso a mabalin a maipila kontra kadagiti dadduma a personalidad.
-- ADVERTISEMENT --
