--Ads--
Binilin ni Presidente Ferdinand Marcos Jr ti Office of Civil Defense a siguradwenda ti kinatalged dagiti umili a naapektaran iti bagyo Crising.
Segun ken ni Palace Press Officer Atty. Claire Castro, nakatutok latta ti presidente iti kasasaad dagiti umili a naapektaran iti bagyo ken uray ti abagat a nangitunda iti pannakalayus dagiti nadumaduma a paset ti pagilian.
Immunan a binisita ti presidente ti DSWD National Resource Operations Center idiay Pasay City ken personal a kinitana dagiti ar-aramiden ti ahensia para iti bagyo.
Maibasar iti pakauna a report ti ahensia, nasurok P2.6 million a tulong ti naipaay iti Region 6 kadagiti nasurok 31,000 nga umili a naapektaran ken agdama nga adda kadagiti 132 nga evacuation center idiay Western Visayas.
-- ADVERTISEMENT --
