Nabayagen a sinipsiputan dagiti pannakabagi ti linteg ti Cabugao Police Station ti maysa a newly identified drug personality a nakemmeg iti buy-bust operation iti Barangay Rizal, Cabugao, Ilocos Sur.
Ti suspek ket agtawen iti duapulo ket pito, dati nga Overseas Filipino worker, taga-Magsingal.
Iti pannaki-uman ti Bombo Radyo Vigan ken ni Police Major Juan Jhayr Maggay, awan ti dati a rekord ti suspek kadakuada ken ti ili a Cabugao ti pagilaklakoanna iti iligal a droga.
Naala manipud iti suspek ti nasurok kumurang 0.3 grams ti mapapati a shabu nga aggatad iti P2,040 a naikabil iti heat sealed transparent plastic sachet.
Malaksid dayta, naala pay ti maysa a piraso ti genuine 1000 paper bill a buy-bust money, maysa a cellphone, lighter, maysa a piraso ti fifty peso bill, eight peso coin ken nalukatan a pakete ti sigarilyo.
Sangwen ti suspek ti kaso a panaglabsing ti RA 9165 wenno Comprehensive Dangerous Drugs Act of 2002.
