VIGAN CITY – Kaso a panaglabsing ti Republic Act 9165 wenno ti Comprehensive Dangerous Drugs Act of 2002 ken ti Republict Act 10591 wenno illegal possession of firearms and ammunition act ti sangwen ti nakemmeg a drug personality idiay Brgy. Paratong iti naiwayat a buy bust operation.
Ti suspek ket ni Gregory Rabot, agtawen ti tallopulo nga agnaed iti nasao a lugar ken mapapati nga agar-aramat ken agilaklako iti iligal a droga kadagiti kabangibang a lugar ti nasao nga ili.
Segun kenni Pol. Capt. Arcadio Viloria, hepe ti Narvacan Police Station, newly identified drug personality ti suspek ken nabayagen nga ival-validate da dagiti report kenkuana.
Naala kenkuana ti maysa a transparent heat sealed plastic sachet ti shabu nga isu ti nagserbi kas buy bust item, maysa a transparent heat sealed plastic sachet a naglaon ti shabu a kukua ti suspek nga aggatad ti talloribo a pisos, sangaribo a pisos a buy bust money, maysa a homemade caliber 22 a paltog nga addaan ti uppat a bala ken innem a ribo innem a gasut walopulo ket tallo a pisos.
